ჯო გოლდბერგის მომავალი უკვე განსაზღვრულია.

ამერიკელმა მწერალმა კეროლაინ კეპნესმა 2014 წელს გამოაქვეყნა რომანი სახელწოდებით You, რომელიც მალევე ბესტსელერი გახდა და მისი მიხედვით ნეტფლიქსმა ამავე სახელწოდების ეკრანიზაცია გადაიღო.

ავტორმა ცოტა ხნის წინ ტვიტერის პირად ანგარიშზე განაცხადა, რომ ამ ისტორიის მესამე წიგნი დაწერა:

"დიახ, ჯო გოლდბერგის ისტორიის მესამე წიგნის წერა დავასრულე".

ნეტფლიქსმა You-ს მეორე სეზონი 2019 წელს გამოუშვა და სიუჟეტის მოულოდნელი განვითარების გამო ერთგული მაყურებლები მოუთმენლად ელიან, თუ რას ვიხილავთ შემდეგ სეზონში.

კეროლაინ კეპნესნა You-ს სიქველი Hidden Bodies 2016 წელს დაწერა. სულ მალე კი, როგორც ჩანს, მესამე წიგნსაც ვიხილავთ.

"You-ს მესამე ნაწილი დასრულებულია და ვიცი, ხშირად ვიმეორებდი "მალეს", მაგრამ ამჯერად მართლა დასრულებულია მუშაობა და გასულ კვირას წიგნის სავარაუდო ყდებიც ვნახე. პანდემიის დროს თქვენი ასეთი მოთმინება ჩემთვის უმნიშვნელოვანესი. მადლობა ამისთვის და სულ მალე, ის თქვენი იქნება.

სპოილერი: მესამე ნაწილში ჯო სიტყვა "მალეზე" ბევრს იწუწუნებს", — ასე გამოეხმაურა კეპნესი ერთ-ერთ ფანს ტვიტერზე.

You-ს სატელევიზიო ეკრანიზაციის პრემიერა 2018 წელს შედგა და მან მრავალი მაყურებლის გული მალევე მოიგო.

მესამე სეზონის პრემიერა 2021 წელსა დაგეგმილი, თუმცა პანდემიის გამო შექმნილი მდგომარეობით თუ ვიმსჯელებთ, შეიძლება, კიდევ დიდხანს მოგვიწიოს ლოდინი.

რაც მთავარია, ზუსტად ვიცით, რომ ჯო გოლდბერგის ისტორია წიგნის ფურცლებზე დაწერილია და ისღა დარჩა, ის კამერის წინ გააცოცხლონ.

ფოტო: Netflix