ქართველ მუსლიმთა კავშირის თავმჯდომარე, ტარიელ ნაკაიძე ევროპული საქართველოს მაჟორიტარობის კანდიდატი იქნება ოლქში, რომელიც ხულოს, შუახევის, ქედის მუნიციპალიტეტებსა და ხელვაჩაურის მუნიციპალიტეტის ნაწილს მოიცავს. ამის შესახებ ევროპული საქართველოს ერთ-ერთმა ლიდერმა, გიგი უგუვალამ ხულოში მოსახლეობასთან შეხვედრისას განაცხადა.

"ჩვენი, ევროპული საქართველოს სახელით აქ[ხულოში] მაჟორიტარი კანდიდატი იქნება ბატონი ტარიელი[ნაკაიძე]. ტარიელს კარგად იცნობთ, აქაური კაცია და რაც მთავარია, ეს ოლქი მარტო ხულო აღარ არის. ახლა იქნება: ხულო, შუახევი, ქედაც და ხელვაჩაურიც. დიდი ოლქი იქნება, ამიტომ უნდა იყოს ადამიანი, რომელსაც იქაც იცნობენ, იქაც... და მთელს საქართველოში იცნობენ", — განაცხადა უგულავამ.