ნაძალადევის რაიონში ქსნის ქუჩა #36-ში მდებარე გლდანის საშაურმეში 23 თებერვლის ღამეს აფეთქების შედეგად რამდენიმე ადამიანი დაშავდა.

გლდანი-ნაძალადევის სახანძრო სამაშველო სამსახურის უფროსმა მალხაზ გოგიაშვილმა On.ge-ის უთხრა, რომ მისი ვარაუდით, აფეთქება თხევადი გაზის ბალონმა გამოიწვია და დაშავებულია 4 ადამიანი, მათ შორის 1 გლდანის საშაურმეს თანამშრომელია, ხოლო 3 - კლიენტი.

"დაშავებულებს, სავარაუდოდ, მსუბუქი დაზიანებები ჰქონდათ. ერთი მე-8 საავადმყოფოში, ხოლო 3 - დამწვრობის ცენტრში გადაიყვანეს"- აღნიშნა მან.

მალხაზ გოგიაშვილის თქმით, შენობა დანგრეული არ არის, თუმცა შიგნიდან დამწვარია.