პირველი ტიზერის გამოსვლის შემდეგ, Universal-მა ახალი მუმიის ოფიციალური ტრეილერი გამოუშვა, რომელშიც ახალი ფილმის შესახებ გაცილებით მეტს ვიგებთ, ვიდრე ვიცოდით.

როგორც ტრეილერში ჩანს ფილმის სიუჟეტი და ნიკ მორტონის თავგადასავალი მას შემდეგ იწყება, რაც ახლად აღმოჩენილ სარკოფაგს და მასში ჩასვენებულ მუმიას ლონდონისკენ წაიღებენ. ექსპედიციას გზაში უბედური შემთხვევა დაატყდება თავს და თვითმფრინავის ჩამოვარდნის შედეგად ყველა მგზავრი დაიღუპება, ტომ კრუზისა და ანაბელ უოლისის პერსონაჟების გარდა.

ახალ ტრეილერში რასელ ქროუ, რომელიც დოქტორი ჯეკილის როლს ასრულებს, გვაცნობებს, რომ ნიკ მორტონის და ლონდონის მთავარი მტერი პრინცესა ამანეთია.

ახალი მუმია კინოეკრანებზე 2017 წლის 9 ივნისს გამოვა.