Universal Studio ახალ ჰორორ სამყაროს ქმნის, რომელიც თავისი პრინციპით ისეთივე იქნება, როგორიც არის Marvel Cinematic Universe. რამდენიმე ცნობილი მონსტრი და მონსტრებზე მონადირე პერსონაჟები ახალ რიმეიქებში გამოჩნდებიან, ხოლო ყველა ეს ფილმი ერთმანეთთან იქნება დაკავშირებული.

უკვე ცნობილია, რომ მუმიას ახალ ვერსიაში მთავარ როლს ტომ კრუზი ითამაშებს და ამავე ფილმში გამოჩნდება რასელ ქროუ, რომელიც დოქტორ ჯეკელს განასახიერებს.

ამჟამად დაანონსებულია შემდეგი ფილმები:

  • მუმია - პრემიერა 2017 წელს - მთავარ როლში ტომ კრუზი.
  • უჩინარი კაცი - პრემიერის თარიღი უცნობია - მთავარ როლში ჯონი დეპი.
  • მაქცია - პრემიერის თარიღი და მთავარი როლის შემსრულებელი უცნობია.
  • ვან ჰელსინგი - პრემიერის თარიღი და მთავარი როლის შემსრულებელი უცნობია.
  • არსება შავი ლაგუნიდან - პრემიერის თარიღი და მთავარი როლის შემსრულებელი უცნობია.
  • ფრანკენშტეინის საცოლე - პრემიერის თარიღი და მთავარი როლის შემსრულებელი უცნობია.

მუმია კინოეკრანებზე 2017 წლის ზაფხულში გამოვა, ხოლო მომდევნო ორი ფილმი 2018 წლის გაზაფხულსა და 2019 წლის ზამთარში.