ნაციონალური მოძრაობის დეპუტატი, სალომე სამადაშვილი აცხადებს, რომ თუ სასამართლო პროცესი კანონის მოთხოვნით წარიმართება გიორგი რურუა ორშაბათს უნდა გაათავისუფლონ. ამ თემაზე მან TV პირველის ეთერში ისაუბრა.

"მისცენ სასამართლოს შესაძლებლობა, რომ პროცესი წარიმართოს კანონის მოთხოვნით და არა პოლიტიკური დაკვეთით, კანონის მოთხოვნით რომ წარიმართოს რურუას პროცესი, ორშაბათს გიორგი რურუა უნდა გაათავისუფლოს სასამართლომ, მინიმუმ თავდებით", — თქვა სალომე სამადაშვილმა.

სამადაშვილის შემდეგ, ამის შემდეგ გზა გაიხსნება და პარლამენტში საკონსტიტუციო ცვლილებას ყველა პარტია მხარს დაუჭერს. დეპუტატის თქმით, ბიძინა ივანიშვილს სენატორმა ჯიმ რიშმა დაუტოვა გზა, რომ ეს ცვლილებები ჯერ მხოლოდ პროექტია.

ამერიკის შეერთებული შტატების სენატის საგარეო კომიტეტის თავმჯდომარემ, ჯიმ რიშმა 2021 საბიუჯეტო წლის თავდაცვის ბიუჯეტში, ეროვნული თავდაცვის აქტში შესატანი ცვლილება მოამზადა, რომელიც საქართველოს დემოკრატიას, საარჩევნო და სასამართლო რეფორმას ეხება. ტექსტი საუბარია იმაზე, რომ სენატი ხელახლა ადასტურებს სურვილს აშშ-სა და საქართველოს შორის თანამშრომლობის გაგრძელებასთან დაკავშირებით, "თუ საქართველოს მთავრობა კვლავ გამოავლენს ამ რეფორმების გატარების გულწრფელ სურვილს".

ტექსტში აღნიშნულია, რომ 8 მარტის შეთანხმების მიუხედავად, რურუა კვლავ დაკავებულია.

გაიგეთ მეტი: