ქართული ოცნების მაჟორიტარი დეპუტატის დიმიტრი ხუნდაძის აზრით, პარლამენტში უმრავლესობის კითხვები საქმიანია, ხოლო უმცირესობის უსაქმური და არაფრისმომცემი. ეს კომენტარი მან მედიასთან გააკეთა.

"დღევანდელი სტუმრობა პარლამენტში არის პრემიერის საქმიანი, უმრავლესობის დასმული კითხვები არის საქმიანი, მაგრამ უმცირესობის კითხვები არის უსაქმური და არაფრისმომცემი", — თქვა დიმიტრი ხუნდაძემ.

დეპუტატის თქმით, ტყუილია, რომ დღეს ქვეყნიდან მოქალაქეები გარბიან ან ყოველი მეხუთე ბავშვი შიმშილობს. მან, ასევე, აღნიშნა, რომ სახელწიფო უსაფრთხოების სამსახური 2012 წლამდე განსაკუთრებით აქტიური იყო.

დღეს, 26 ივნისს პრემიერი, გიორგი გახარია პარლამენტში წლიური ანგარიშით წარსდგა.