კუპატას სახელით ცნობილ უსახლკარო ძაღლი, რომელიც ამ წლის დასაწყისში საქართველოსთან ერთად მთელმა მსოფლიომაც გაიცნო, ბათუმში შენობის კედელზე უზარმაზარი სტენსილით გამოსახეს.

ამის შესახებ ინფორმაცია პირველად ინტერნეტგამოცემა ბათუმელებმა გაავრცელა.

კუპატას მასშტაბური ნახატის ხილვა ადგილობრივებთან ერთად იქ ჩასულ სტუმრებს ამიერიდან ბათუმში, მემედ აბაშიძის ქუჩაზე, საქართველოს ბანკის შენობაზე შეეძლებათ.

კუპატა პოპულარული ამ წლის იანვარში გახდა, როცა სოციალურ ქსელებში გავრცელდა ვიდეო, თუ როგორ ეხმარებოდა უსახლკარო ცუგა ბავშვებს ზებრაზე გადასვლაში და ავტომობილის უყურადღებო მძღოლებს კი უყეფდა.

სწორედ ამის გამო მას აჭარის ტურიზმისა და კურორტების დეპარტამენტის თანამშრომლებმა სახლი უყიდეს, მალევე კი ვარსკვლავიც გაუხსნეს, როგორც ხალხის რჩეულს.

ფოტო: აჭარის ტურიზმისა და კურორტების დეპარტამენტი