პარლამენტის თავმდჯომარის, არჩილ თალაკვაძის განცხადებით, 20 ივნისის აქციის დაშლისას "სავარაუდოდ, ძალის გადამეტება მოხდა, ვინაიდან ამ მუხლით დაწყებულია გამოძიება". თუმცა, მისივე თქმით, აქციაზე გამოყენებული იყო პროპორციული რეაგირება

"ჩვენ ხომ ვთახნმდებით იმაზე, რომ აქციის პირველი ნაწილი იყო მშვიდობიანი პროტესტი. მეორე ნაწილი იყო კონკრეტული, რადიკალური პოლიტიკური ჯგუფის მიერ ორგანიზებული ძალადობრივი შეტევა პარლამენტზე", — განაცხადა მან რუსთავი 2-ის ეთერში.

20 ივნისის აქცია სპეცრაზმმა ძალის გადამეტებით დაშალა, რა დროსაც მინიმუმ 160 მოქალაქე, მათ შორის მინიმუმ 30 ჟურნალისტი დაშავდა. სპეცრაზმელების ტყვიამ 3 მოქალაქეს თვალი დააკრგინა, 1-ს კი მხედველობა.

20 ივნისის საქმეზე გამოძიება სისხლის სამართლის კოდექსის 333-ე მუხლის მესამე ნაწილის "ბ" ქვეპუნქტით მიმდინარეობს. ამ მუხლით ძალადობით სამსახურებრივი უფლებამოსილების გადამეტება ისჯება თავისუფლების აღკვეთით ვადით ხუთიდან რვა წლამდე. პასუხისგებაში მიცემულია 3 სამართალდამცავი, თუმცა გამოძიება ამ დრომდე გრძელდება.