სულ მალე ფორმულაზე ახალი ქართული სერიალი, თესეა დაიწყება. სერიალზე ჩემი ცოლის დაქალების შემქმნელი გუნდი, ფორმულა კრეატივი მუშაობს.

როგორც სერიალის პირველი ტრეილერიდან ჩანს, მთავარი გმირი პირად ცხოვრებაში შექმნილი პრობლემების გამო ბებიასთან ჩადის, სადაც ბავშვობის სცენების თავიდან განცდის საშუალება ეძლევა. პერსონაჟი წყვეტს, რომ რეჟისორი გახდეს და ვეფხისტყაოსანი მიუზიკლის სახით დადგას. ჩანაფიქრის განხორციელების პროცესში კი ის ხალხის მხრიდან წინააღმდეგობას აწყდება.

სერიალში მთავარ როლს ზურა ჯავახია ასრულებს. სცენარის ავტორი ქეთი დევდარიანია, რეჟისორი — გიორგი ლიფონავა.