დაავადებათა კონტროლის ეროვნული ცენტრის დირექტორის, ამირან გამყრელიძის თქმით, მუშაობენ, რომ შემოდგომაზე ქვეყანაში ტესტირების დღიური მაჩვენებელი 7- 8 000-მდე გაიზარდოს.

"დღიურად ტესტირების საშუალო მაჩვენებელი 1 500-ზე გვაქვს აყვანილი, მაგრამ ჩვენ გვაქვს დღეს შესაძლებლობები, რომ 4 500-ზე, ამ 18 ლაბორატორიაში და შემდეგ დამატებულ კიდევ 6 ლაბორატორიაში, ავიყვანოთ ეს ტესტირების მაჩვენებლები. მიმდინარეობს პროგრამაზე მუშაობა, დამატებითი ინვესტირების, რომ შემოდგომაზე, სექტემბერ-ოქტომბერში ჩვენ ავიდეთ დღეში 6, 7, 8 000-ზე ტესტირების, რომელიც შესაძლებელია", — თქვა ამირან გამყრელიძემ.

გამყრელიძის თქმით, დღეს ქვეყანაში PCR ტესტირებას 18 ლაბორატორია აკეთეს და მათი რიცხვი ივლისის განმავლობაში 24-მდე გაიზრდება. მანვე აღნიშნა, რომ აპირებენ სამედიცინო პერსონალი ორი კვირის შუალედის ნაცვლად 1 კვირაში შეამოწმონ.

დღევანდელ ბრიფინგზე, გამყრელიძემ, ასევე, აღნიშნა, რომ ახალი რეგულაციებით ზოგიერთი კლინიკა ვალდებული იქნება, ჰქონდეს PCR ტექნოლოგია ან 24 საათში სხვასთან ჩააატაროს ტესტი. ამ თემაზე მან მთავრობის ბრიფინგზე ისაუბრა.