დამოუკიდებელი დეპუტატის, დავით ჭიჭინაძის განცხადებით, არ აქვს მნიშვნელობა ვინ იქნება ქართული ოცნების სიაში, რადგან სიის "პატრონი" ბიძინა ივანიშვილია. ამ თემაზე მან TV პირველის ეთერში ისაუბრა.

"სიმართლე გითხრათ, ქართული ოცნების სიას პირველი იქნება თუ ბოლო, უკნიდან შეხედავ თუ წინიდან განსხვავება არ იქნება, იმიტომ, რომ მაგ სიას ჰყავს ერთი პატრონი — ბიძინა ივანიშვილი, შეუძლია ა,ბ,გ, დ-თი დაალაგოს, შეუძლია მორჩილების, მონობის მიხედვით", — თქვა დავით ჭიჭინაძემ.

მისი თქმით, ქართულ ოცნება მხოლოდ ისეთი ენით საუბრობს, რომელიც ივანიშვილისთვის მაამებელი იქნება. დავით ჭიჭინაძე აპირებს, რომ მაჟორიტარად კენჭი ისანში იყაროს. ის ფიქრობს, რომ არავისზე ნაკლები შანსი არ აქვს.

ისანი და გლდანი არის თბილისის 8 ოლქიდან ის ორი, რომელშიც ნაციონალური მოძრაობა საკუთარი კანდიდატების დაყენებას აპირებს. პარტია ოპოზიციას სთავაზობს დარჩენილ 6 ოლქში შეთანხმებული კანდიდატები წარადგინოს.