დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის, ამირან გამყრელიძის თქმით, პირბადე ეროვნულ გამოცდებზე აბიტურიენტებზე უარყოფთად არ იმოქმედებს. ამ თემაზე მან პალიტრანიუსის ეთერში ისაუბრა.

"მინდა დავამშვიდო ყველა აბიტურიენტი, თუ არ ვცდები წელს 55 ათასი აბიტურიენტი იქნება, რომ პირბადე მათზე უარყოფითად არ იმოქმედებს — არც მათ ფიზიკურ ჯანმრთელობაზე, არც მათს მენტალურ შესაძლებლობებზე, ინტელექტუალურ შესაძლებლობებზე გამოცდის ჩაბარების პროცესში. არის ძალიან იშვიათი გამონაკლისი და ეს ახალგაზრდებში არ არის, დაავადებები, რომლის დროსაც ექიმმა შეიძლება რჩევა გასცეს, რომ პირბადის ხმარება შეიძლება იყოს ადამიანის ჯანმრთელობისთვის გარკვეული რისკის შემცველი. თუმცა ეს არის იშვიათი გამონაკლისები და ამ ტიპის დაავადებები ძალიან იშვიათია ახალგაზრდებში", — თქვა ამირან გამყრელიძემ.

გამყრელიძის განმარტებით, თუ აბიტურიენტს ექიმის ასეთი დასკვნა ექნება, რა თქმა უნდა, მას გაითვალისწინებენ.

2020 წლის ერთიან ეროვნულ გამოცდებზე კორონავირუსის გავრცელების პრევენციასთან დაკავშირებული წესების მიხედვით, აბიტურიენტს გამოცდაზე პირბადე მუდმივად უნდა ეკეთოს. დარღვევის შემთხვევაში აბიტურიენტი შენიშვნას მიიღებს, განმეორებისას კი მოიხსნება გამოცდიდან.

განათლების სამინისტროს მიერ შემუშავებული უსაფრთხოების წესების თანახმად, დასაცავ წესებს შორისაა, ნიღბის მოხსნა, სოციალური დისტანციის დარღვევა და უარი ხელების დამუშავებაზე.

ამავე თემაზე: