სომხეთის პრემიერმინისტრის, ნიკოლ პაშინიანის განცხადებით, კორონავირუსისგან განიკურნა. ამის შესახებ მან ფეისბუქზე დაპოსტა. როგორც პაშინიანი აცხადებს, კორონავირუსზე უარყოფითი ტესტი მთელმა ოჯახმა მიიღო.

"რა თქმა უნდა, ჯერ კიდევ უნდა გადავხედოთ ვადებსა და ინფიცირების გარემოებებს. მაგრამ ამ მომენტისთვის მნიშვნელოვანია, რომ ჯანმრთელად ვართ და იმუნიტეტი გვაქვს", — წერს პაშინიანი.

სომხეთის პრემიერმინისტრმა მისი და მისი ოჯახის წევრების ინფიცირების შესახებ ერთი კვირის წინ განაცხადა.

ბოლო 24 საათში სომხეთში კორონავირუსისგან 11 ადამიანი გარდაიცვალა. ამასთან, ქვეყანაში 195 ახალი შემთხვევა გამოვლინდა. სულ 13 325 შემთხვევაა გამოვლენილი.