TV პირველის დამფუძნებლის, ვატო წერეთლის განცხადებით, ორშაბათიდან ტელევიზიის დირექტორი თავად იქნება. ამ თემაზე მან სტატუსი გამოაქვეყნა და აღნიშნა, რომ ინგა გრიგოლიას შემცვლელის მოძებნაზე არც უფიქრია.

"ერთი წელიც არ გასულა, რაც მან ეს პოზიცია დაიკავა და მე თვითონვე ვეღარ ვცნობ ჩვენს ტელევიზიას. არ აქვს არც ერთი დასვენების დღე, მუშაობს კვირაში შვიდი დღე, დილიდან ღამემდე, დაუჯერებელ ენერგიას ახარჯავს საქმეს, რომელიც ასე ძალიან უყვარს.
შევეცადე, გამეგო მისი გადაწყვეტილების. მიყვარს, ვაფასებ და სულ მაქვს მისი იმედი, დირექტორი იქნება თუ არა, ის სულ დირექტორია ჩემს თვალში", — წერს ვატო წერეთელი.

ინგა გრიგოლიამ ცოტა ხნის წინ დაწერა, რომ TV პირველის დირექტორობის პოსტს ტოვებს. მისი თქმით, ბოლო პერიოდში ოჯახისა და სამსახურის ინტერესები ერთმანეთს შეეჯახა. გრიგოლიამ დაწერა, რომ ტელევიზიაში რეაქციის წამყვანად და გადაცემების პროდიუსერად რჩება.

ამავე თემაზე: