ლელო საქართველოსთვის განცხადებით, ნაძალადევის რაიონული ორგანიზაციის ოფისი კარები გატეხეს. ოფისის ხელმძღვანელის ნიკოლოზ ჩერქეზიშვილის ინფორმაციით, თავდაპირველად მათ გატეხილი ბოქლომი შეამჩნიეს და ადგილზე საპატრულო პოლიცია გამოიძახეს.

პარტიის ერთ-ერთი ლიდერის, კახა კოჟორიძის განაცხადებით, ლელო საქართველოსთვის გამოძიების შედეგებს დაელოდება. მისივე მტკიცებით, სავარაუდოდ სახელმწიფო უსაფრთხოების სამსახურის თანამშრომლები ნაძალადევის ოფისის წევრებს უკან დაჰყვებიან, უთვალთვალებენ და ფოტოებს უღებენ.

"გუშინ კიკვაძის პარკში ჩვენს წევრებს, რომლებიც მოქალაქეებს ხვდებოდნენ, მოსთხოვეს ამ აქტივობის შეწყვეტა იმ მოტივით, რომ აგიტაცია სკვერში კანონით არ შეიძლებოდა. თვალთვალს ადგილი ჰქონდა ასევე ბათუმში, კახეთში, მთაწმინდაზე. როგორც ჩანს, ოცნება შეფიქრიანებულია ლელოს აქტიურობით და გაძლიერებით და დაიწყეს ტრადიციული მეთოდების გამოყენება. არავის ვაბრალებ ოფისის ბოქლომის გატეხვას, მაგრამ ყველა წინა არჩევნებში მრავალჯერ ვნახეთ, რომ "ოცნება" აქტიურად იყენებს კრიმინალებს და არაფერი ამ ხელისუფლებისგან გამორიცხული არ არის", — განაცხადა კახა კოჟორიძემ.

ოფისის გატეხვის საქმეზე შინაგან საქმეთა სამინისტრომ გამოძიება 19-177-ე მუხლი დაიწყო, რაც ქურდობის მცდელობას გულისხმობს.