ყალბი საგადასახადო დოკუმენტების დამზადება-გამოყენებისა და თხილის ნაწარმის ფალსიფიკაციის ბრალდებით ფინანსთა სამინისტროს საგამოძიებო სამსახურმა, ერთი მოქალაქე დააკავა.

უწყების ინფორმაციით, საგამოძიებო მოქმედებებით დადგინდა, რომ ბრალდებულმა, დამზადებულ თხილის პროდუქციას შეურია შედარებით დაბალფასიანი მიწის თხილი, პროდუქციას თვისობრიობა შეუცვალა, შემდეგ კი დაბალხარისხიანი თხილის გერმანიაში გაყიდა.

სამინისტროს ცნობით, ბრალდებულმა, შპს გლობალ თრეიდის დირექტორმა, დაამზადა და გამოიყენა 65 ერთეული ყალბი საგადასახადო დოკუმენტი.

ფინანსთა სამინისტროს ინფორმაციით, გამოძიება სისხლის სამართლის კოდექსის 197-ე მუხლის პირველი ნაწილით და 210-ე მუხლის პირველი ნაწილით, მიმდინარეობს და ბრალდებულს 2-დან ოთხ წლამდე თავისუფლების აღკვეთა ემუქრება.