საქართველოს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის საავტომობილო გზის 74-ე კმ-ზე (ქობულეთი) არსებულ რეგულირებად სარკინიგზო გადასასვლელზე, ს.ს საქართველოს რკინიგზა აწარმოებს ლიანდაგის კაპიტალური შეკეთების სამუშაოებს.

სამუშაოების გამო, 8 დეკემბრის დილის 08:00 სთ-დან 9 დეკემბრის საღამოს 18:00 სთ-მდე აღნიშნულ მონაკვეთზე ავტოტრანსპორტის მოძრაობა აიკრძალება. ავტოტრანსპორტის ნაკადი დროებით გადაერთვება შემოსავლელ გზაზე, ქალაქის გავლით.

სამუშაოების წარმოების პროცესში, საავტომობილო ტრანსპორტის ნაკადის მოძრაობას სარკინიგზო გადასასვლელის მთელ პერიმეტრზე საქართველოს რკინიგზის სამსახურის წარმომადგენლები დაარეგულირებენ.