პრემიერის თქმით, უახლოეს დღეებში თბილისი-ამსტერდამი, თბილისი-ვენის რეისები იგეგმება, რომელიც, პირველ ეტაპზე, საქართველოსა და ამ ქვეყნების მოქალაქეებისთვის იქნება ნებადართული.

"ჩვენ ხომ არ შეგვიძლია ქვეყანა სამუდამოდ დავკეტოთ, გარკვეული საავიაციო რეისები, მაგალითად თბილისი-ამსტერდამი, თბილისი-ვენა თუ არ ვცდები უახლოეს დღეებში დაიწყება. რა თქმა უნდა, ეს იქნება მხოლოდ საქართველოს და ნორმანდიის მოქალაქეებისთვის ნებადართული ამ ეტაპზე, მაგრამ ეს არის ის არხები საიდანაც რისკი შემოსვლის შეიძლება იყოს, მაგრამ მერწმუნეთ, რომ ყველა ეს არხი მაქსიმალურად გვაქვს გადაკეტილი", — თქვა გიორგი გახარიამ.

პრემიერმა აღნიშნა, რომ საზღვრების გახსნასთან დაკავშირებით ვირუსის გავრცელების რისკები არსებობს, თუმცა ამის გაკონტროლება მოხდება.

დღეს, 27 მაისს პრემიერ-მინისტრი პარლამენტის წინაშე მოხსენებით წარსდგა. მან კორონავირუსის პანდემიის წინააღმდეგ გადადგმულ ნაბიჯებსა და უწყებათაშორისი საკოორდინაციო საბჭოს გატარებულ ზომებზე ისაუბრა.