ეკონომიკის მინისტრის, ნათია თურნავას განმარტებით, გაზპრომთან არსებული ხელშეკრულების გადახედვა ბუნებრივი აირის ფასის კლებას ემსახურება.

როგორც თურნავა ამბობს, კომერციული საიდუმლოების გამო კონკრეტულ ციფრებს ვერ დაასახელებს, მაგრამ, მისი თქმით, ბუნებრივ აირზე ფასის დაკლება დაახლოებით 15%-ით ხდება.

"გაძლიერებული კონკურენციისა და იმის გათვალისწინებით, რომ მსოფლიოში ნავთობპროდუქტების ფასები ეცემა, ახლანდელი გადახედვა, რაც ხდება გაზპრომთან უკვე მოქმედ კონტრაქტში, ემსახურება ფასის დაკლებას. კომერციული საიდუმლოების გამო კონკრეტულ ციფრებს არ დავასახელებ, მაგრამ გეტყვით, რომ დაახლოებით 15%-ით ხდება ფასის დაკლება ბუნებრივ აირზე. დღეს ეს ბაზარი სრულიად კონკურენტულია და კომერციულ ნაწილში ფასებს ეტაპობრივად აკლებს, როგორც სოკარი, ასევე გაზპრომიც ამ ტენდენციას მიჰყვება. საჭიროების შემთხვევაში ჩვენ კიდევ უფრო მეტად დავაკლებინებთ ფასებს, ეს დამოკიდებული იქნება ბაზრის კონიუნქტურაზე", — განაცხადა თურნავამ.