სახალხო დამცველი უჩა ნანუაშვილი მოუწოდებს ყველა სტუდენტს რომ თავი შეიკავონ უკანონო ქმედების ჩადენისაგან და აცხადებებს, რომ საჭიროა იმ ცვლილების განხორციელება უმაღლესი განათლების შესახებ კანონში, რომელიც უზრუნველყოფს ყველა სტუდენტის მონაწილეობას თვითმმართველობის არჩევნებში:

"ადგილი ჰქონდა გაერთიანების ნიშნით დისკრიმინაციას, როდესაც სტუდენტთა გარკვეულ ჯგუფს ჰქონდა გარკვეული პრივილეგიები, რაც რა თქმა უნდა მიუღებელია. ვფიქრობთ რომ აუცილებელია ჩვენი რეკომენდაციის შესრულება და შესაბამისი ცვლილების განხორციელება უმაღლესი განათლების შესახებ კანონში. მეორეს მხრივ მოვუწოდებთ ყველა სტუდენტს რომ მაქსიმალურად შეიკავონ თავი ნებისმიერი ისეთი ქმედებისგან რომელიც შეიძლება ჩაითვალოს როგორც კანონის ჩარჩოებიდან გამოსვლა. ყველაფერი უნდა გადაწყდეს მოლაპარაკებების გზით".

დღეს, 25 ნოემბერს, თბილისის სახელმწიფო უნივერსიტეტში სტუდენტური თვითმმართველობის არჩევნები მიმდინარეობს. სტუდენტებმა თითო ფაკულტეტიდან 20 დელეგატი უნდა აირჩიონ.

არჩევნებს აპროტესტებს აუდიტორია 115 და ხელისუფლებას მოთხოვნებით მიმართავს. ისინი უნივერსიტეტის მეექვსე კორპუსი აქვს დაკავებული, სადაც უბნები არაა განთავსებული. მოძრაობა დღეს, 13 საათზე აქციის გამართვას გეგმავს.