სულ მალე ეკრანზე ოსკარის მფლობელი მსახიობის, შონ პენის ფილმი "უკანასკნელი სახე" გამოვა, სადაც მთავარ როლებს შარლიზ ტერონი, ხავიერ ბარდემი, ჟან რენო და ადელ ეგზარქოპულოსი შეასრულებენ.

ფილმის გარშემო უკვე ატეხილია დიდი მითქმა-მოთქმა. კრიტიკოსებმა, რომლებმაც შონ პენის ნამუშევარი კანის კინოფესტივალზე იხილეს, განაცხადეს, რომ ეს ბოლო წლების ერთ-ერთი ყველაზე ცუდი ფილმია.

დრამა აფრიკაში მომუშავე წყვილის ურთიერთობას შეეხება. მთავარი გმირები ლიბერიაში ჰუმანიტარული დახმარების მისიით იმყოფებიან და დაძაბული გარემოსა და თავის საფრთხეში ჩაგდების მიუხედავად, საკუთარი მოვალეობების შესრულება უწევთ.

იმედი გვაქვს, მალე ჩვენც გვექნება ფილმის შეფასების საშუალება და გავარკვევთ, კონკრეტულად რამ გამოიწვია კრიტიკოსების გაღიზიანება.