ქართული ოცნების დეპუტატის, მამუკა მდინარაძის თქმით, ბედნიერები იქნებიან, თუ ოპოზიცია ერთიან კანდიდატზე შეთანხმდება, რადგან ამ შემთხვევაში გამარჯვების 100%-იანი შანსი ექნებათ. ამ თემაზე მან იმედის ეთერში ისაუბრა.

"ოპოზიცია საერთო კანდიდატებზე თუ შეთანხმდა, აქამდე თუ იყო 99%-იანი ეს იქნება ქართული ოცნების 100%-იანი გამარჯვების საფუძველი. მეორე ტურებიც აღარ დაგვჭირდება. წარმოიდგინეთ, ქართული საზოგადოება დადგა არჩევანის წინაშე, ნათელაშვილის ფანჩატურში შეკრებილი საზოგადოება უნდა აირჩიოს თავის ხელისუფლად თუ ქართული ოცნება და მისი წარმომადგენელი, კონკრეტულ მაჟორიტარულ ოლქებში", — თქვა მამუკა მდინარაძემ.

დეპუტატმა აღნიშნა, რომ ამომრჩეველი ამ 8 წლის განმავლობაში შეიძლება ნაწყენი იყოს, მაგრამ მთავარია ხალხის წინაშე დანაშაული არ ჰქონდეს პარტიას ჩადენილი.