აშშ-ს ელჩი საქართველოში, კელი დეგნანი აცხადებს, ნებისმიერი განცხადება ამერიკელი ხელისუფლებისგან ემსახურება იმას, რომ საქართველომ უფრო მეტ წარმატებას მიაღწიოს. ამის შესახებ ელჩმა ონლაინ პრესკონფერენციის დროს ისაუბრა.

ელჩს ჰკითხეს საქართველოს კავშირებზე ირანსა და რუსეთთან, რომელზე ამერიკელმა კანონმდებლებმა მორიგ წერილში ისაუბრა. დეგნანმა აღნიშნა, რომ ვერ შეაფასებს სენატორებისა და კონგრესმენების განცხადებებს, რადგან კონგრესი აღმსარულებელი შტოსგან დამოუკიდებელია.

"უნდა აღვნიშნო, რომ ნებისმიერი საუბარი თუ რაიმე განცხადება ამერიკის ხელისუფლებისგან ემსახურება იმას, რომ საქართველომ უფრო მეტ წარმატებას მიაღწიოს, განახორციელოს თავისი ოცნებები, ძლიერი დემოკრატიული საზოგადოების შექმნა, რომელიც ხალხს უფრო მეტ ეკონომიკურ კეთილდღეობას სთავაზობს. ნებისმიერი კომენტარი ამ სულისკვეთებით უნდა მივიღოთ", — აღნიშნა ელჩმა.

დეგნანი აღნიშნავს, რომ საქართველოსა და აშშ-ს შორის კარგი თანამშრომლობაა. მისივე თქმით, როცა გარკვეული საკითხის წამოჭრის დროს, კომუნიკაციის პრობლემა არ არსებობს.