დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნულმა ცენტრმა, საქართველოში ახალი კორონავირუსის მიმდინარეობის ანალიზი გამოქვეყნა, რომლის მიხედვითაც, დადასტურებულ შემთხვევებიდან, სიმპტომებიდან ყველაზე ხშირად ცხელება ვლინდება. კერძოდ, 82,4 პროცენტში.

მონაცემების მიხედვით, ასევე, ხშირია ზოგადი სისუსტე — 49,6%, ხველა — 38,3% და ყელის ტკივილი — 25,9%. მათივე თქმით, 500 შემთხვევიდან, PCR ტესტირების დროს 83 შემთხვევა იყო ასიმპტომური. შესაბამისად, უსიმპტომო შემთხვევების პროპორცია იყო 16,6%.

NCDC-ს ინფორმაციით, ერთზე მეტი სიმპტომი აღინიშნა პაციენტების 57.6%-ში (288 შემთხვევა), აქედან 55.1% კაცსა (134 შემთხვევა) და 59.9% ქალში (154 შემთხვევა).

ფოტო: NCDC

ორგანიზაციის განცხადებით, კვლევის ფარგლებში, თითოეული პაციენტის შემთხვევაში გაანალიზდა დაავადების კლინიკური სიმპტომების და თანმხლები დაავადებების არსებობა პაციენტის ჰოსპიტალიზაციამდე.

19 მაისის მონაცემებით, ქვეყანაში კორონავირუსით ინფიცირებულის 702 შემთხვევაა დაფიქსირებული, მათგან გამოჯანმრთელებულია 456, ხოლო გარდაცვლილია 12 ადამიანი. კარანტინის რეჟიმში 3 787 პირი რჩება, სტაციონარში მეთვალყურეობის ქვეშ კი — 337.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: