პარტია გამარჯვებული საქართველოს ლიდერი, ირაკლი ოქრიაშვილი ამბობს, რომ პარლამენტში საკონსტიტუციო ცვლილებების პირველ მოსმენამდე გიორგი რურუას გათავისუფლება გარდაუვალია. ოქრუაშვილმა ამის შესახებ ლეიბორისტული პარტიის ოფისთან განაცხადა, სადაც ოპოზიციური ერთობის სხდომა უნდა ჩატარდეს.

"ხელისუფლებასაც გავუგოთ, ამ შემთხვევაში იმათ წისქვილზე დავასხამ წყალს და იმას ვიტყვი, რომ პირველ მოსმენამდე გიორგი რურუას გათავისუფლება გარდაუვალია [...] ეჭვი არ მეპარება, ხელისუფლებას გონიერება ეყოფა და ამ პროცესს დაასრულებს ისე, როგორც უნდა დასრულდეს, როგორც დასრულდა ჩემი და გიგი უგულავას პროცესი. მაქსიმუმ ეს მოხდეს პირველ მოსმენამდე. დღეს იქნება, ხვალ თუ ერთ კვირაში, დაველოდოთ", — განაცხადა ირაკლი ოქრუაშვილმა.

რურუა ერთ-ერთია იმათგან, ვის გათავისუფლებასაც ოპოზიცია 8 მარტის შეთანხმების ფარგლებში ითხოვს. დღეს, 18 მაისის სასამართლო პროცესზე დაცვის მხარემ აღკვეთი ღონისძიების გაუქმება მოითხოვა, თუმცა მოსამართლემ რურუა ისევ პატიმრობაში დატოვა.

ოპოზიციის წამომადგენლები აცხადებენ, რომ რურუას გათავისუფლების გარეშე პარლამენტში საკონსტიტუციო ცვლილებებს მხარს არ დაუჭერენ.