სომხეთის პრემიერმინისტრის, ნიკოლ პაშინიანის განცხადებით, თუ კორონავირუსის გავრცელების ტემპი ისევ მაღალი იქნება, ისინი შეზღუდვებს დააბრუნებენ.

"ასეთი ტემპებით, შეიძლება ძალიან სერიოზული კრიზისის წინაშე აღმოჩნდეთ", — აღნიშნა პაშინიამ ფეისბუქლაივის დროს.

როგორც პაშინიანმა განმარტა, ბოლო პერიოდია დღეში კორონავირუსის 100-ზე მეტი შემთხვევა ფიქსირდება, რაც ნიშნავს, რომ პანდემიის საწინააღმდეგო პირობები არ სრულდება:

"ჩვეn გვაქვს საშუალება არ დავინფიცირდეთ და არც სხვა დავაინფიციროთ, თუ ეპიდემიის საწინააღმდეგო წესებს დავიცავთ".

მისივე თქმით, მთავრობამ მაისიდან შეზღუდვების შემსუბუქება ეკონომიკური და სოციალური მდგომარეობის გათვალისწინებით დაიწყო. მან მოსახლეობას წესების დაცვისკენ მოუწოდა.

პანდემიის დაწყების დღიდან სომხეთში კორონავირუსის 3 718 შემთხვევა გამოვლინდა. 48 ადამიანი გარდაიცვალა.