WikiLeaks-მა ახალი დოკუმენტაცია გამოაქვეყნა, რომლის მიხედვითაც ირკვევა რომ ამერიკის ნაციონალური უსაფრთხოების სააგენტო (NSA) მსოფლიო ლიდერების ტელეფონებსა და შეხვედრებს ფარულად უსმენდა.

გამოქვეყნებული დოკუმენტების მიხედვით, სააგენტო გაეროს გენერალური მდივანი ბან კი მუნისა და გერმანიის კანცლერი ანგელა მერკელის შეხვედრას უსმენდა ბერლინში. ასევე უთვალთვალებდნენ იტალიის პრემიერ მინისტრისა და ისრაელის პრემიერ მინისტრის პირადი საუბრებს, მერკელის, სარკოზისა და ბერლუსკონის შეხვედრებს. ისმინებოდა გაეროს ლტლოვითა უმაღლესი საბჭოს აპარატის უფროსის და სხვა საერთაშორისო ორგანიზაციების მაღალი რანგის თანამშრომლების ტელეფონები.

ბერლუსკონის მოსმენების დოკუმენტებიდან ირკვევა, რომ იტალიის პრემიერს ანგელა მერკელი და ნიკოლა სარკოზი შექმნილი ეკონომიკური კრიზისის გამო აკრიტიკებდნენ და მისგან მოქმედებას ითხოვდნენ.

ვიკილიქსმა ბერლუსკონისა და ნათანიაჰუს შორის გამართული საუბრის დოკუმენტიც გამოაქვეყნა. იტალიის პრემიერი ისრაელელ კოლეგას აშშ-სთან დაძაბული ურთიერთობების აღდგენაში დახმარებას ჰპირდებოდა.

იტალიის საგარეო საქმეთა სამინისტრომ აშშ-ს საგანგებო და სრულუფლებიანი ელჩი განმარტებებისთვის დაიბარა.