თბილისის რამდენიმე მიკროავტობუსში უფასო ინტერნეტის მოწყობილობა დამონტაჟდა. საუბარია 2 ნომერ სამარშრუტო ხაზზე, რომელშიც 10-15 მიკროავტობუსი შედის. ინფორმაციას ამის შესახებ თბილისის მიკროავტობუსი ავრცელებს.

იდეა კომპანია WiFisher-ს ეკუთვნის. როგორც პროექტის დაგეგმვის ეტაპზე კომპანიის წარმომადგენელმა განგვიცხადა, #2 მიკროავტობუსის შერჩევის მიზეზი გახდა ის, რომ ამ ხაზს უმეტესად ახალგაზრდები იყენებენ:

"#2 მიკროავტობუსი უნივერსიტეტის მაღლივ კორპუსს და ვაჟა-ფშაველას გამოივლის. შესაბამისად, აქ უფრო მეტად მოიხმარენ ინტერნეტს".

თბილისის მიკროავტობუსის წარმომადგენლის თქმით, შესაძლოა Wi-Fi-ს მოწყობილობები სხვა ხაზის მიკროავტობუსებშიც დამონტაჟდეს.