თბილისის მიკროავტობუსის პრესსამსახურის ინფორმაციით, დედაქალაქის რამდენიმე მიკროავტობუსში Wi-Fi-ის მოწყობილობები დამონტაჟდება.

პროექტი ექსპერიმენტულია. იდეა კომპანია WiFisher-ს ეკუთვნის. როგორც კომპანიის თანადამფუძნებელმა და დირექტორმა ნოდარ ივანიძემ On.ge-ის უთხრა, მიკროავტობუსებში ინტერნეტი მარტის შუა რიცხვებიდან გავრცელდება.

"არის ხაზი 2 ნომერი, რომელშიც 10-15 მიკროავტობუსი შედის და მას ძირითადად ახალგაზრდები იყენებენ. ის უნივერსიტეტის მაღლივის კორპუსს და ვაჟა-ფშაველას გამოივლის. შესაბამისად, აქ უფრო მოხმარებადი იქნება ინტერნეტი. დაახლოებით 1 თვეა ტესტის რეჟიმში ვართ და მიკროავტობუსების ფარეხებში სხვადასხვა აპარატურებს ვამოწმებთ. არაა მარტივი მიკროავტობუსი თან დადიოდეს და თან ინტერნეტზე ჰქონდეს წვდომა. მარტის შუა რიცხვებიდან ინტერნეტი 2 ნომერ მიკროავტობუსში ჩაირთვება და მოგვიანებით მას #128-ც დაემატება" - აღნიშნა ნოდარ ივანიძემ.

"თუ ინიციატივამ გაამართლა, ჩვენი კომპანია მის განვითარებას და გავრცელებას ხელს შეუწყობს" - გვითხრა თბილისის მიკროავტობუსის პრესსამსახურის უფროსმა ნათია მიქიაშვილმა.