შსს-ს განცხადებით, პოლიციამ ოჯახში ძალადობის, თვითმკვლელობის ცდამდე მიყვანისა და მუქარის ბრალდებით, თბილისში ერთი პირი დააკავა. კერძოდ, დაკავებულია დედამთილი, რომელიც უწყების მტკიცებით, რძალს სცემდა და სიტყვიერ შეურაცხყოფას აყენებდა.

გამოძიების ვერსიით, ბრალდებული შვილის ცოლს სიცოცხლის მოსპობითაც დაემუქრა. გამოძიებით ასევე დადგინდა, რომ მან რძალს წარსულშიც მიაყენა სიტყვიერი და ფიზიკური შეურაცხყოფა და სიცოცხლის მოსპობით დაემუქრა, რის გამოც ქალმა თვითმკვლელობა სცადა.

გამოძიება სისხლის სამართლის კოდექსის 126-ე პრიმა მუხლის 1-ლი ნაწილით, 11 პრიმა 115-ე მუხლის 1-ლი ნაწილით და 151-ე მუხლის მე-2 ნაწილის "დ" ქვეპუნქტით მიმდინარეობს, რაც ოჯახის ერთი წევრის მიერ ოჯახის სახვა წევრის მიმართ ჩადენილ ძალადობას, ოჯახის წევრის თვითმკვლელობის ცდამდე მიყვანასა და მუქარას გულისხმობს. დანაშაული 2- დან 4 წლამდე ვადით თავისუფლების აღკვეთას ითვალისწინებს.