როგორც უკვე იცით, ილონ მასკმა და გრაიმსმა შვილისთვის უცნაური სიმბოლოების დარქმევა გადაწყვიტეს. X Æ A-12 — ასე იწერება მათ მიერ შერჩეული სახელი, თუმცა უცნობია, როგორ გამოითქმის. როგორც მუსიკოსმა ტვიტერზე დაწერა, სიმბოლოები მისი და Space X-ის დირექტორის საყვარელი რაღაცების კომბინაციაა.

თუმცა, როგორც აღმოჩნდა, კალიფორნიის შტატი მათ ბავშვისთვის ამ სახელის დარქმევის უფლებას არ მისცემს. კანონმდებლობის მიხედვით, სახელში მხოლოდ ინგლისურ ანბანში არსებული 26 სიმბოლოს გამოყენება შეიძლება, ხოლო ციფრებისა და სიმბოლოების — არა.

ინფორმაცია ილონ მასკისა და გრაიმსის იურისტმაც დაადასტურა:

"სახელში არ შეიძლება ციფრების, აქცენტების, ემოჯიების და სხვა სიმბოლოების გამოყენება. თუმცა, შეგიძლია სახელში აპოსტროფი გამოიყენო, თუ ბავშვისთვის ო'კონორის დარქმევა გინდა".

როგორც ჩანს, წყვილს ახალი სახელი აქვს მოსაფიქრებელი.