ოკუპირებული ცხინვალში აცხადებენ, რომ კორონავირუსის პირველი შემთხვევა გამოავლინეს. მათი მტკიცებით, ინფიცირებული კაცი რეგიონში რუსეთიდან 30 აპრილს ჩავიდა და აქამდე კარანტინში იყო.

სახელისუფლებო გამოცემა რესის ინფორმაციით, შტაბის სხდომაზე ექიმმა, მარინა კოჩიევმა განაცხადა, რომ კაცი ინფექციური საავადმყოფოს ბოქსირებულ პალატაშია იზოლირებულია.

დე ფაქტო პრეზიდენტმა, ანატოლი ბიბილოვმა გასცა დავალება, რომ ყველა ის ადამიანი შეამოწმონ, ვისთანაც ინფიცირებულს კონტაქტი ჰქონდა.

კორონავირუსის რამდენიმე შემთხვევაზე საუბრობენ ოკუპირებულ აფხაზეთშიც. ჯანდაცვის მინისტრის, ეკატერინე ტიკარაძის განცხადებით, ოკუპირებულ ტერიტორიაზე მცხოვრები ინფიცირებული ადამიანების რიცხვი ქვეყნის საერთო სტატისტიკაში იმიტომ არაა ასახული, რომ სანდო ინფორმაცია არ აქვთ.

მისი თქმით, ოკუპირებულ ტერიტორიებზე ინფიცირებულთა რიცხვი შეიძლება გაცილებით დიდი იყოს, ვიდრე დასახელებულია.