სომხეთში კორონავირუსთან ბრძოლის დეცენტრალიზებულ მეთოდზე გადადიან. ამის შესახებ ქვეყნის პრემიერმინისტრმა, ნიკოლ პაშინიანმა 3 მაისს ჯანდაცვის მინისტრთან და ვიცე-პრემიერთად ერთად მიმართვის დროს განაცხადა.

მისი თქმით, მსგავსი ნაბიჯი გამოწვეულია იმით, რომ სანამ ვაქცინას არ გამოიგონებენ მომავალ წლამდე კორონავირუსის ახალი შემთხვევები კვლავ გამოვლინდება.

"ჩვენი ამოცანაა, რომ ხვალინდელი დღიდან კორონავირუსთან თანაარსებობა უზრუნველვყოფთ. დამეთანხმეთ, შეუძლებელია ერთი წელი ჩაკეტილი ცხოვრება. რომ გვცოდნოდა, ყველაზე მკაცრი ჩაკეტვის რეჟიმის დროს კორონავირუსს დავამარცხებდით, ამ გადაწყვეტილებამდე მივიდოდით, მაგრამ ეს შეუძლებელია", — აღნიშნა პაშინიანმა.

4 მაისიდან სომხეთში რიგი შეზღუდვები იხსნება, თუმცა საზოგადოებრივი ტრანსპორტის მოძრაობის აღდგენა კვლავ არ იგეგმება. მუშაობას განაახლებს საბითუბო და საცალო ვაჭრობა, თუმცა არა დიდი ბაზრობები და სავაჭრო ცენტრები.

რესტორნებს, კაფეებსა და ბარებს მხოლოდ ღია სივრცეში მუშაობის საშუალება აქვთ. ასევე გაიხსნება ქიმწმენდის ოობიექტები და სილამაზის სალონები.