პირველი საუნივერსიტეტო კლინიკის ექიმის, ლევან რატიანის განცხადებით, მე-8 გარდაცვლილი პაციენტი 72 წლის ქალია, რომელსაც ქრონიკული პათოლოგიები ჰქონდა.

მისი თქმით, ქალი კლინიკაში 14 აპრილს შეიყვანეს. მას გულის უკმარისობა, არტერიული ჰიპერტენზია და მორბიდული სიმსუქნე ჰქონდა. პაციენტი COVID-19-ის ინფექციით გამოწვეული სუნთქვითი უკმარისობითა და სხვა გართულებებით გარდაიცვალა.

ქვეყანაში კორონავირუსის 16 ახალი შემთხვევა გამოვლინდა, სულ — 582. ვირუსისგან გამოჯანმრთელდა 207 ადამიანი.

კარანტინის რეჟიმში რჩება 5 152 ადამიანი, ხოლო სტაციონარში მეთვალყურეობის ქვეშ — 551.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: