საქართველოს პარლამენტის თავჯდომარეობის კანდიდატი ირაკლი კობახიძე მეცხრე მოწვევის პარლამენტში შეკრებილ დეპუტატებს, პრეზიდენტსა და პრემიერს მიესალმა და ამომრჩეველს ნდობისთვის მადლობა გადაუხადა:

"პარლამენტის თითოეულ არჩეულ წევრს ვულოცავ მოსახლეობისგან ნდობის გამოცხადებს და ვისურვებდი, რომ თითოეულმა ჩვენგანმა შეძლოს ამ ნდობის გამართლება და პარლამენტის წევრის საპატიო სახელის ღირსეულად ტარება".

მან ასევე მადლობა გადაუხადა ქართულ ოცნებას გამოცხადებული ნდობისთვის და თავჯდომარის თანამდებობაზე მისი კანდიდატურის დასახელებისთვის:

"არჩევის შემთხვევაში ყველაფერს გავაკეთებ რომ ეს დიდი ნდობა გავამართლო და ვემსახურო ჩვენს ხალხს და ჩვენს ქვეყანას. პარლამენტს ქვეყნის წინსვლისა და განვითარებისთვის უმნიშვნელოვანესი მისია აკისრია".

პარლამენტის თავჯდომარეს და მის მოადგილეებს დეპუტატები დღეს აირჩევენ.