დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსი ხათუნა ზახაშვილი ამბობს, რომ საზოგადოებრივი ტრანსპორტის ფუნქციონირების აღდგენისას დისტანცია და უსაფრთხოების ზომები დაცული უნდა იყოს. ამის შესახებ მან ფეისბუქლაივის დროს ისაუბრა.

"მაშინ, როცა აღდგება საზოგადოებრივი ტრანსპორტის ფუნქციონირება, ჩვენს ქვეყანაში უკვე კარგად გვექნება გათვითცნობიერებული საზოგადოებრივი ქცევები, რაც გულისხმობს ფიზიკურ დისტანცირებას, პირადი დაცვის საშუალებების გამოყენება", — აღნიშნა ხათუნა ზახაშვილმა.

როგორც მან და ცენტრის ხელმძღვანელმა, ამირან გამყრელიძემ თქვეს, საზოგადოებრივი ტრანსპორტის მუშაობის აღდგება ეპიდსიტუაციაზეა დამოკიდებული.

ბოლო მონაცემებით, საქართველოში კორონავირუსის 496 დადასტურებული შემთხვევაა, ინფიცირებულებს შორის გამოჯანმრთელებულია 149 და გარდაცვლილია 6 პირი. კარანტინის რეჟიმში 4 833 პირი რჩება, სტაციონარში მეთვალყურეობის ქვეშ კი 571 ადამიანია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: