დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

"კიდევ ერთხელ ძალიან დიდი ბოდიში იმათთან, ვისაც იმედი გავუცრუე და არ არის ქვეყანაში ფართომასშტაბიანი ეპიდემია, ჯერჯერობით", — ასე პასუხობს NCDC-ის დირექტორის მოდაგილე პაატა იმნაძე კრიტიკას. ეს მან ბრიფინგზე განაცხადა, სადაც მასობრივი ტესტების აუცილებლობაზე დასმულ კითხვებს პასუხობდა.

ამავდროულად, მან აღნიშნა, რომ ინფიცირებულთა და გარდაცვლილთა სტატისტიკა არ იძლევა იმის საფუძველს, რომ მათ ბოდიში მოიხადონ. რაც შეეხება მასობრივ ტესტირებას, მისი თქმით, ამ საკითხს გადაწყეტს გუნდი, რომელიც ამ თემაზე მუშაობს.

"ჩვენი ქვეყნის რესურსების, ტესტების ხარისხის და ეპიდემიოლოგიური სიტუაციის გათვალისწინებით, ტესტები ჩატარდება ისე, როგორც ამას გადაწყვიტავს ის გუნდი ქვეყანაში, რომელიც მართავს სიტუაციას. ჯერჯერობით, მე მგონი, საბოდიშო არ უნდა იყოს ის, რომ საქართველოში ათობით და ასობით ადამიანი დაღპული არ არის. საბოდიშო არ უნდა იყოს, მე მგონი, რომ ათასობით ადამიანი და ათიათასობით ავად არ არის; ის, რომ ჩვენი საავადმყოფოები გადავსებული არ არის.

თუ ეს საბოდიშოა, ბოდიშს მოვიხდით, რა თქმა უნდა; მაგრამ არამგონია, რომ რასაც ამ ეტაპამდე მივაღწიეთ, მივაღწიეთ აი, იმ დაგეგმილი სტრატეგიით", — განაცხადა მან.

გუშინ, 25 აპრილს ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა, რომ ბოლო 24 საათში ქვეყანაში 25 ახალი შემთხვევა ფართო მასშტაბით აგრესიული კვლევის შედეგია. მისი თქმით, იმედოვნებენ, რომ მომავალ დღეებში აგრესიული კვლევის გარეშე ასეთი მაჩვენებლები აღარ იქნება.

ეზუგბაიას განცხადებას, საზოგაოდების, ექიმების ნაწილისა და პოლიტიკოსების კრიტიკა მოყვა. მათი განცხადებით, ამან მასობრივი ტესტირების აუცილებლობა წარმოაჩინა. თუმცა, პაატა იმნაძე აცხადებს, რომ ტესტირების საკითხს ამ თემაზე მომუშავე ჯგუფი გადაწყვეტს.

დღეს, 26 აპრილს საქართველოში კორონავირუსი კიდევ 29 პირს დაუდგინდა და ინფიცირების შემთხვევები 485-მდე გაიზარდა. გუშინ ინფიცირების 456 შემთხვევა იყო დაფიქსირებული. მონაცემები Stopcov.ge-ზე ახლახანს განახლდა.

ბოლო მონაცემებით, საქართველოში კორონავირუსით ინფიცირებულია 488 ადამიანი, მათგან 136 გამოჯანმრთელებულია, ხოლო 6 გარდაცვლილი. კარანტინის რეჟიმში 4 928 ადამიანი იმყოფება, სტაციონარში მეთვალყურეობის ქვეშ — 522.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: