ევროპული საქართველოს წევრის, სერგი კაპანაძის თქმით, მოულოდნელია, რომ ეკონომიკური პრობლემების დაწყებიდან ერთი თვის დაგვიანებით, მთავრობა ახლა აპირებს, კონკრეტული ხედვა მხოლოდ პროექტის სახით გამოაქვეყნოს. მისი თქმით, ამ პროექტს ძალაში შესასვლელად, შესაძლოა, რამდენიმე კვირა დასჭირდეს.

როგორც კაპანაძე ამბობს, მათი გეგმა, რომლის მიწოდებასაც მთავრობისთვის ცდილობდნენ, კომპლექსურია.

" გვაქვს იმედი, რომ ამ გეგმიდან ფუნდამენტური ნაწილები მაინც იქნება გათვალისწინებული ხელისუფლების მიერ შემოთავაზებულ გეგმაში, რომელსაც დღეს მოვისმენთ", — განაცხადა კაპანაძემ.

დღეს მთავრობა ანტიკრიზისული გეგმის წარდგენას აპირებს. ოპოზიცია ითხოვს, რომ აღნიშნული გეგმა პრემიერ-მინისტრმა პარლამენტში წარადგინოს და მისი განხილვა მოეწყოს.