ქართული ოცნების აზრით, ნაციონალურ მოძრაობას რომ შეეძლოს პანდემიის გაჩენასაც ბიძინა ივანიშვილის დააბრალებდნენ. პარტია გავრცელებულ განცხადებაში აღნიშნავს, რომ კორონავირუსთან მიმართებაში ქვეყნის წარმატება "ყველა ნორმალურ ადამიანს, ბუნებრივია უნდა უხაროდეს", თუმცა ეს ნაციონალური მოძრაობის უკმაყოფილების და ღვარძლის ერთადერთი მიზეზია.

"ამ ხალხს შესაძლებლობა რომ ჰქონდეს, პანდემიის გაჩენასაც ბიძინა ივანიშვილს დააბრალებდნენ, რადგან მისგან განსხვავებით, მათ არ უხარიათ საკუთარი ქვეყნის წარმატება, ისინი ვერ ეგუებიან, რომ საქართველოს ჰყავს ეფექტიანი ხელისუფლება და ვერ ეგუებიან, რომ ქართველი ხალხიც და მსოფლიოც ოპტიმისტურად არის განწყობილი საქართველოს მომავლისადმი, ვინაიდან ასეთ საქართველოში თავის ადგილს და ხელისუფლების ხელში ჩაგდების შანსს ვეღარ ხედავენ", — აღნიშნულია პარტიის განცხადებაში.

პოლიტიკურმა პარტია ქართულმა ოცნებამ მათი ლიდერის, ბიძინა ივანიშვილის TikTok ვიდეოზე ვრცელი განმარტება გაავრცელა. ქართული ოცნება მიიჩნევს, რომ "აბსოლუტურად უწყინარ გართობაზე" ოპონენტებმა "უკადრებელი იკადრეს" და "ღვარძლიანი" კრიტიკის ტალღა გაუშვეს. მათი აზრით, გავრცელებული განცხადებები "აბსურდული და სასაცილოა", თუმცა მათ მაინც პასუხობენ.

პანდემიის დროს მმართველი პარტიის ხელმძღვანელი TikTok-ის ვიდეოში გამოჩნდა. "საიდუმლო ხელის ჩამორთმევის" ვიდეო ბერა ივანიშვილმა გაავრცელა.

ამავე თემაზე: