მთავრობის ადმინისტრაციის უფროსი, ნათია მეზვრიშვილი პრემიერის პარლამენტში არმისვლას იმით ხსნის, რომ ეს "რეგლამენტიტაა გათვალისწინებული". გიორგი გახარიას პარლამენტში გამოსვლას და საგანგებო მდგომარეობის გაგრძელების ირგვლივ დაგროვილ კითხვებზე პასუხს ოპოზიციური პარტიები ითხოვენ. ისინი ასევე მოითხოვენ, მთავრობამ წარადგინოს ანტიკრიზისული გეგმა

"თქვენი მოსაზრებაა, მაგრამ ეს იმ რეგლამენტითაა გათვალისწინებული, რომელსაც ალბათ თქვენც დაუჭირეთ მხარი", — თქვა მეზვრიშვილმა და მან ოპოზიციას განუმარტა, რომ ისიც საკოორდინაციო შტაბის წევრია და მისგანაც და საპარლამენტო მდივნისგანაც მიიღებდნენ საჭირო პასუხებს.