შინაგან საქმეთა სამინისტრომ არასრულწლოვანი შვილის თანდასწრებით ცოლის მიმართ ძალადობის ბრალდებით კაცი დააკავა.

უწყების ინფორმაციით, 1976 წელს დაბადებულმა კაცმა 1980 წელს დაბადებულ ცოლს შვილის თანდასწრებით ფიზიკური შეურაცხყოფა მიაყენა.

გამოძიება საქართველოს სისხლის სამართლის კოდექსის 126 პრიმა მუხლის მე-2 ნაწილის "ბ" ქვეპუნქტით მიმდინარეობს, რაც არასრულწლოვნის თანდასწრებით ოჯახის წევრის მიმართ ჩადენილ ძალადობას გულისხმობს. ისჯება საზოგადოებისათვის სასარგებლო შრომით ვადით ორასიდან ოთხას საათამდე ან თავისუფლების აღკვეთით ვადით ერთიდან სამ წლამდე, იარაღთან დაკავშირებული უფლებების შეზღუდვით ან უამისოდ.