დაავადებათა კონტროლის ცენტრის ხელმძღვანელის, ამირან გამყრელიძის თქმით, ამ დროისთვის საქართველოში კორონავირუსით 16 სამედიცინო მუშაკია დაინფიცირებული.

მისი თქმით, მათ შორის ერთ-ერთი კრიტიკულად ყველაზე აუცილებელი კლინიკიდანაა.

"არ ვასახელებ ახლა მას. ეს ადამიანები რომ ინფიცირდებიან, ვეღარ მუშაობენ მერე 3-4 კვირა. ისედაც ვთქვათ ეს კადრი, რომელიც კრიტიკულად მნიშვნელოვანია, მხედველობაში მაქვს ინტენსიური თერაპიის, რეანიმაციის ექიმები, ისინი თუ ჩვენ ჩაგვიწვენ, მერე ვინ უნდა მოუაროს ამ ხალხს? ამიტომ რაც ნაკლები გადამდები იქნება ქვეყანაში და ინფექციის გამავრცელებელი, ჯანდაცვის სისტემა იქნება უფრო ძლიერი", — განაცხადა ამირან გამყრელიძემ რუსთავი 2-ის ეთერში.