ილიას სახელმწიფო უნივერსიტეტის კიბერლაბორატორია უნილაბი ახალ პროექტს, Cyber Talks იწყებს. ეს იქნება ყოველკვირეული ღია ლექციების სერია შემდეგ თემებზე:

  • ახალი ტექნოლოგიები
  • პროგრამირება
  • დიზაინი
  • ციფრული მარკეტინგი

დღეს მიმდინარე მოვლენებმა მნიშვნელოვნად დააჩქარა ციფრული გარდაქმნის პროცესი, უფრო და უფრო მეტი კომპანია ხედავს ახალი ტექნოლოგიური მიმართულებებისა და პროფესიების საჭიროებებს. მეორე მხრივ, თვითიზოლაციის პერიოდში ბევრ ადამიანს აქვს უამრავი თავისუფალი დრო, რომელიც უფრო ნაყოფიერად შეუძლია გაატაროს.

16 აპრილიდან უნილაბი ყველას აძლევს გაძლევს საშუალებას, მოუსმინონ სფეროს წამყვან და წარმატებულ პროფესიონალებს, გაიზიარონ მათი ცოდნა და გამოცდილება ახალი ტექნოლოგიების მიმართულებით.

პირველ ლექციას 16 აპრილს უნილაბის დირექტორი და ახალი ტექნოლოგიების ექსპერტი სანდრო ასათიანი ვაშინგტონიდან გაუძღვება.

"ყველას, ვისაც სურს, გაიგოს, რა არის და როგორ მუშაობს G Suite – ვირტუალური სამუშაო სივრცე, გელით ილიაუნის ონლაინსივრცეში ზუსტად 20:00 საათზე".

ლექციები გაიმართება ყოველკვირეულად და პირდაპირ ეთერში გავა UNILAB-ის ფეისბუქ გვერდზე.