ჰარი პოტერის წიგნების სერიის ავტორმა, ჯოან როულინგმა ის სახლი შეიძინა, რომელშიც ბავშვობის წლები გაატარა.

ჯოან როულინგი დასავლეთ ინგლისში, გლოსტერშირში მდებარე ამ სახლში ცხრიდან თვრამეტ წლამდე ასაკში ცხოვრობდა და ცნობილია, რომ სწორედ ამ სახლის რამდენიმე დეტალმა შთააგონა მას თავის ცნობილ ჯადოსნური წიგნების სერიაში აღწერილი სამყაროს თავისებურებები.

მაგალითად, ამ სახლში ისეთივე საკუჭნაოა კიბის ქვეშ, როგორშიც ჰარი პოტერი ცხოვრობდა დეიდამისის სახლში.

ამ სახლის კედელზე ასევე შემორჩენილია ამ ცნობილი ბრიტანელი ავტორის წარწერა:

"აქ ეძინა ჯოან როულინგს 1982 წელს".

როგორც BBC წერს, ეს სახლი როულინგების ოჯახმა 1985 წელს გაყიდა, 2011 წელს კი ის კვლავ იყიდებოდა და ამ ცნობილმა ბრიტანელმა მწერალმაც მშობლიური სახლი საიდუმლოდ შეიძინა.

როულინგმა სახლში 400 000 გირვანქა სტერლინგი გადაიხადა.

ფოტო: Tim Ireland/PA Images/Getty Images

ამ სახლში მწერალი დედასთან, მამასთან და დასთან ერთად ცხოვრობდა. იქ გატარებულმა წლებმა კი წარუშლელი კვალი დატოვა მასზე და შემდგომში ჰარი პოტერის სამყაროს შექმნისას სწორედ იმდროინდელი მოგონებები გააცოცხლა.