პრემიერ-მინისტრი გიორგი გახარიას განცხადებით, მოქალაქეებს არა 150 ლარით, არამედ უფრო მეტით დაეხმარებიან. მას კონკრეტული თანხა არ დაუსახელებია, თუმცა აღნიშნა რომ 150 ლარი საარსებო მინიმუმზე ნაკლებია და დახმარებას ასე არ გასცემენ.

"შეუძლებელია, უბრალოდ, ჩვენ ვილაპარაკოთ ყოველდღიურ დახმარებაზე იმ ადამიანებზე, რომლებმაც სამსახური დაკარგეს და არ გავითვალისწინოთ საარსებო მინიმუმი", — განაცხადა მან.

მისი თქმით, საერთაშორისო სავალუტო ვებ-გვერდზე გავრცელებული ინფორმაცია, რომ დახმარება 150-ლარიანი იქნებოდა ტექნიკური ხარვეზი იყო. მისივე თქმით, ეს იყო ძველი, 1-2 თვის წინ შემუშავებული გეგმა, რომელიც შეიცვალა.

სავალუტო ფონდის ინფორმაციით, მთავრობა 6 თვის განმავლობაში დაეხმარება იმ ადამიანებს, ვინც სამსახური დაკარგა.

ბრიფინგზე პრემიერმა განაცხადა, რომ საგანგებო მდგომარეობა 10 მაისამდე გრძელდება და 15 აპრილის 21:00 სააათიდან კი თბილისში, რუსთავში, ქუთაისსა და ბათუმში 10 დღით შესვლა და გასვლა აიკრძალება.

რაც შეეხება ეკლესიის დამოკიდებულებას საგანგებო მდგომარეობის წესებთან და სააღდგომო ლიტურგიას, პრემიერმა ურთიერთგამომრიცხავი განცხადებები გააკეთა. მისი თქმით, ბზობის დღესასწაულზე შსს-ს უფრო ეფექტურად უნდა ემუშავა, თუმცა მისივე თმით, ეკლესია ვერ დაიხურება, განსაკუთრებით აღდგომას.

ბოლო მონაცემებით, საქართველოში კოროანვირუსით ინფიცირების 296 შემთხვევა დადასტურდა. ინფიცირებულებიდან გარდაიცვალა 3 და გამოჯანმრთელდა 69 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: