შინაგან საქმეთა სამინისტროს ცნობით, რუსთავში ოჯახში ძალადობის ბრალდებით უცხო ქვეყნის მოქალაქე დააკავეს. გამოძიების ინფორმაციით, ბრალდებულმა თავის საცხოვრებელ ბინაში, არასრულწლოვან გერს, 2003 წელს დაბადებულ ი.მ.-ს სიტყვიერი და ფიზიკური შეურაცხყოფა მიაყენა.

გამოძიება ოჯახის ერთი წევრის მიერ ოჯახის სხვა, წინასწარი შეცნობით არასრულწლოვანი წევრის მიმართ ჩადენილი ძალადობის ფაქტზე, საქართველოს სსკ-ის 126-ე პრიმა მუხლის მე-2 ნაწილის "ა" ქვეპუნქტით მიმდინარეობს. დანაშაული 3 წლამდე ვადით თავისუფლების აღკვეთას ითვალისწინებს.