კორონავირუსის პანდემიამდე ჯენიფერ კნოქსი საკუთარ ბარში შეისეირნებდა ხოლმე, სადაც ადამიანები ადგილობრივ მუსიკას უსმენდნენ, სვამდნენ და ერთმანეთში საუბრობდნენ.

ახლა ჯორჯიის შტატში მდებარე რესტორანში, სახელად The Sand Bar, ისეთივე სიჩუმეა, როგორც მსოფლიოს სხვადასხვა ადგილებში არსებულ დაწესებულებებში. იზოლაციამ ბიზნესს დარტყმა მიაყენა, ჯენიფერს კი თანამშრომლებისთვის მომავალი თვეების ხელფასი აქვს გადასახდელი.

როცა დაკეტილ ბარში იჯდა და გარშემო იცქირებოდა, მას თავში იდეამ გაუელვა — რესტორნის კედლებზე, დეკორის სახით დოლარები იყო მიმაგრებული. "ესენი უნდა ჩამოვხსნათ", — გადაწყვიტა მან.

თანხის ნაწილი კედლებზე ათ წელზე მეტია მიმაგრებულია. სანაპირო ბარის ტრადიციის მიხედვით, სტუმრები $1-ზე ინიციალებს წერდნენ და ისე ტოვებდნენ. კნოქსი ბარის მეპატრონე 6 წლის წინ გახდა და ეს წესი არ შეუცვლია.

მისი თქმით, თანხის ჩამოხსნაში მოხალისეები დაეხმარნენ. საბოლოოდ ჯამში 3 714 დოლარი შეგროვდა, რომელიც მან უსამსახუროდ დარჩენილ თანამშრომლებს გაუნაწილა. მათ შორის იყვნენ ორი მუსიკოსი და ოთხი ბარმენი.

კნოქსი დონაციებსაც აგროვებს და იმედოვნებს, რომ ბარს მალე ისევ გახსნის. მისი თქმით, მომავალში დოლარების დატოვების ნაცვლად ახალ წესს მოიფიქრებს.