ეკონომიკის მინისტრის, ნათია თურნავას თქმით, ამდროისთვის შემოწმებული 18 სამშენებლო კომპანიიდან, მუშაობის გაგრძელების უფლება 11-მა მოიპოვა. ამის შესახებ თურნავამ იმედის ეთერში ისაუბრა.

მისი თქმით, ამ კომპანიებში ყველა აუცილებელი პირობა დაცული იყო.

"გუშინ, დღის მეორე ნახევარში შემოწმებები დაიწყო. მიუხედავად ამ მოკლე ვადისა, გუშინ მოხერხდა 33 ობიექტის შემოწმება, მათ შორის 18 სამშენებლო კომპანია იყო. 7 სამშენებლო კომპანიას მიეცა კონკრეტული მითითებები და რეკომენდაციები თუ რა უნდა გამოასწორონ. როგორც კი ეს კომპანიები მზად იქნებიან, რომ შეასრულონ ეს მითითებები, ხელახლა შედგება შემოწმება და კვლავ განიხილება მათი მუშაობის აღდგენის პროცესი", — განაცხადა თურნავამ.

უწყებათაშორისი საკოორდინაციო საბჭოს გადაწყვეტილებით, საგანგებო მდგომარეობისას სამშენებლო კომპანიებისთვის საქმიანობის დასაშვებობას საგანგებო შტაბი გადაწყვეტს.

ეკონომიკის მინისტრის თქმით, კომპანიებმა მშენებლობის გაგრძელებისათვის თანხმობის მისაღებად სპეციალური ფორმა უნდა შეავსონ და ამ ფორმით ეკონიმიკის სამინისტროს მიმართონ. ხოლო სამოქალაქო მშენებლობასთან დაკავშირებით ადგილობრივი მუნიციპალიტეტები იქნებიან ჩართული.

გაიგეთ მეტი:

რა წესები უნდა დაიცვან კომპანიებმა თანამშრომლების უსაფრთხოებისთვის — მინისტრის ბრძანება