კომიკოსმა ლუის სიქეიმ, რომელიც სექსუალური შევიწროების ბრალდებების გამო საჯარო სივრციდან "გაუჩინარდა", საკუთარ საიტზე ახალი სთენდაფი Sincerely C.K გამოაქვეყნა. სთენდაფი წინასწარ არსად დაანონსებულა. ეს კომიკოსის პირველი ნამუშევარია 2017 წლის შემდეგ, თუმცა მას მცირე სცენებზე გამოსვლა არ შეუწყვეტია.

სთენდაფის ყურება $7,99-ად შეგიძლიათ. კომიკოსის თქმით, Sincerely C.K მათთვისაა განკუთვნილი, ვისაც გლობალური კრიზისის დროს სიცილი სჭირდება.

"სამყაროში ორი ტიპის ადამიანები არსებობენ", — წერს სი ქეი გავრცელებულ ნიუსლეთერში, — "პირველებს სიცილი სჭირდებათ, როცა ყველაფერი უარესობისკენ მიდის. რაც უფრო საშიში, სერიოზული და შემაშფოთებელი ხდება სიტუაცია, მით უფრო მნიშვნელოვანი ხდება გაცინება"